Awoodda Aqoonta: Sidee Ayay Waxbarashadu Nolosheenna U Kobcisaa?

Adduunyada sida joogtada ah u kobcaysa, helista aqoontu waxay noqotay mid ka muhiimsan sidii hore. Waxbarashadu waa safar nololeed oo aan kaliya balaadhin adduun arageenna, laakiin sidoo kale faa'iidooyin badan ayay u leedahay nolosheenna shakhsi iyo midda xirfadeed labadaba. Laga soo bilaabo balaadhinta aragtiyaheena ilaa kor u qaadida kalsoonida nafta iyo furitaanka albaabada fursadaha cusub, aqoontu waxay adeegsanaysaa awood isbedelaysa oo kor u qaadeysa nolosheena, iyada oo aynu u marayno jidad kala duwan. Faa’iidooyinkaasna waxaa kamida:

1.      Fikirka:

Mid ka mid ah siyaabaha aasaasiga ah ee aqoontu u kobciso nolosheena waa iyada oo ay balaadhinayso aragtiyaheena. Barashadu waxay ina tusinaysaa fikrado cusub, dhaqamo iyo hab-feker, taasoo inoo ogolaanaysa inaan ka xorowno aragtideena xaddidan. Waxa ay awood inoo siinaysaa in aan qadarrinno kala duwanaanshaha, qaadashada ra'yida kala duwan iyo horumarinta shucuurteena. Marka ay aqoonteenu korodho, waxa aynu noqonaynaa shakhsiyaad maskax furan, le awoodda la qabsiga, oo awood u leh in ay ku lug yeeshaan horumarinta nafahooda iyo bulshadoodaba.

2.      Horumarinta Xirfadaha Fikirka Muhiimka ah:

Aqoontu waa shidaalka awood u leh fikirka muhiimka ah, kaas oo awood inoo siinaya in aan falanqayno xogta, qiimeyno doodaha iyo sidoo kale in aan qaadano go'aamo xog ogaal ah. Marka aynu urursanayno aqoonta dhinacyadeeda kala duwan, waxaynu horumarinaynaynaa hab caqli badan oo lagu xalliyo dhibaatada. Waxa aynu baranaynaa habka weydiimaha su'aalo baadhitaanno ah, ka doodno mala-awaalka iyo raadinta caddaymo sugan. Tani waxay kor u qaadaysaa awoodeenna si aan u maareyno xaaladaha qallafsan ee nolosha, aqoonsanno khaladaadka macquulka ah, oo aan gaadhno yoolalkeena nololeed. Fikirka muhiimka ah (Critical thinking) wuxuu noqdaa qalab qiimo leh oo awood inoo siinaya in aynu ka gudubno caqabadaha oo aynu sameyno go'aamo sax ah dhinacyada shakhsi ahaaneed iyo kuwa xirfadeed labadaba.

3.      Kobcinta Kalsoonida Nafta:

Helitaanka aqoontu waxay kobcisaa isku kalsoonaanta iyo iska warhaynta qofeed. Markaan baraneyno oo aan kasbaneyno khibrad dhinacyo kala duwan ah, waxaynu heleynaa dareen karti iyo awood le. Kalsoonidu waxa ay ku beeraysaa aaminaadda awoodaheena si aan uga hortagno caqabadaha oo aan u gaadhno yoolalkeena. Intaa waxaa dheer, aqoontu waxay innagu qalabaysaa agabka lagama maarmaanka ah si aan u qeexno fikradaheena, nafteena si hufan u muujino, ugana qayb galno doodo macno leh. Aqoon kasta oo cusub oo aynu barano, waxa ay korinaysaa kalsoonida nafteena. Taas oo inoo sahlaysa in aynu nolosha u fahanno sida ugu macquulsan.

4.      Fursado Cusub:

Aqoontu waxay leedahay awood cajiib ah oo ay albaabada ugu furto fursado cusub. Waxbarashada joogtada ah ayaa muhiim u ah kobaca shaqsiga iyo xirfadda. Helitaanka xirfado cusub, la socoshada isbeddellada suuqa shaqada iyo ballaadhinta saldhigga aqooneed waxay kor u qaadeysaa suuqgeynteena iyo rajada shaqo helineed. Loo-shaqeeyayaashu waxay qiimeeyaan shakhsiyaadka muujiya haraadka aqoonta, marka ay keenaan fikrado cusub iyo rabitaanka la qabsiga xaaladaha isbeddelaya. Intaa waxaa dheer, aqoontu waxay albaabada u furaysaa waayo-aragnimo cusub, dhaqammo iyo dhisidda xidhiidho macno le. Aqoontu waxa ay door muhiim ah ka ciyaartaa kobcinta korriinka shakhsi ahaaneed iyo kobcinta nolosheena siyaabo aynaan waligeen u malayn inay suurtogal tahay.

5.      Xoojinta Kobaca Shakhsiyeed:

 Aqoontu waxa ay hurisaa kobaca shaqsiga ah iyada oo inna siinaysa agabka aynu si fiican ugu fahmi karno nafteena, daahana kaga qaadno rabitaankeena, una raacno yoolkeena. Waxay awood inoo siinaysaa in aynu aqoonsanno meelaha aynu ku wanaagsannahay iyo meelaha aynu ku liidanno, taasoo inoo ogolaanaysa in aynu ka shaqayno horumarinta nafta iyo horumarka shakhsi ahaaneed. Marka aynu kasbanno aqoonta, waxa aynu samayn karnaa doorashooyin xog ogaal ah oo ku saabsan xirfadaheena, xidhiidhadeena iyo guud ahaan arrimaha la xidhiidha dariiqooyinka nolosha.

6.      Kobcinta Hal-abuurka iyo Ikhtiraacyada:

Waxbarashadu waxay kicisaa hal-abuurka iyadoo inna tusinaysa fikrado iyo aragtiyo cusub. Marka aynu uruurinayno aqoonta qeybaheeda kala duwan, waxa aynu sawiri karnaa isku xidhnaanta ka dhaxaysa, innaga oo isku darsan karna fikrado aan xidhiidh la lahayn oo aynu kala soo baxnay inta aynu fahannay; taas oo horseedaysa fikir cusub! Aqoonta badan ee aan heleyno iyo kheyraadka badan ee aan haysano waxa ayn abuurayaan fikrado cusub, si aan xalal waara ugu helno dhibaatooyinka nolosheena.

7.      Kobcinta Xirfadaha Xallinta Dhibaatada:

Aqoontu waxay innagu qalabaysaa xirfado kala duwan oo la xidhiidha xalinta dhibaatooyinka. Waxa ay inna siinaysaa aragtiyaha dib-u-milicsiga, fahamka qaab-dhismeedyada mashaakilka iyo habab aynu ku wajihi karno xaaladaha kala duwan ee nolosha. Marka aynu si joogto ah u baranno oo u balaadhino aqoonteena, waxa aynu noqonaynaa kuwo aad ugu xeel dheer fahamka mashaakilka iyo raadinta xalal wax ku ool ah oo ku aaddan dhibaatooyinka adag.

8.      Horumarinta Adkeysiga Shakhsiyeed:

 Adduunka sida degdegga ah isu beddelaya, aqoontu waa qalab awood leh oo kuu baraya tabaha adkeysiga. Waxbarashadu waxay innagu qalabaysaa awoodda laqabsiga, hagaajinta iyo horumarka jawi firfircoon. Marka aynu urursanayno aqoonta, waxaynu noqonaynaa kuwo debecsan, adkaysi badan, oo si fiican isu qalabeeya si ay u maraan wakhtiyo aan la hubin waxa ay la kulmi doonaan. Waxay innaga caawisaa in aynu horumarino korriinkeena maskaxeed, taasoo awood inoo siinaysa inaan la qabsanno caqabadaha, wax ka barano guul-darrooyinka, oo aan ka soo kabsanno dib u dhacyada.

9.      Kobcinta Xidhiidhka Bulshada:

Aqoontu waxay kobcisaa xidhiidh qoto dheer oo lala yeesho dadka kale. Marka aan ku hawlan nahay waxbarashada joogtada ah, waxaan haysanaa wax badan oo aan ku biirinno wada-hadallada, waxaanaynu fursad u helaynaa la-macaamilka dadyow kala duwan. Waxay awood inoo siinaysaa inaan la xidhiidhmo shaqsiyaadka aynu isku fikirka nahay, sameysanno asxaab innagu kaalmeeya korriinkeena nololeed, oo aan dhisno xidhiidho ku saleysan danaha la wadaago. Intaa waxaa dheer, aqoontu waxay ballaadhisaa fahamka dhaqamada, caadooyinka iyo aragtiyaha kala duwan, iyada oo kor u qaadeysa awoodaheena la xidhiidha sidii aynu iskugu naxariisan lahayn, oo aynu si hufan ula xidhiidhi lahayn kooxaha kala duwan ee aynu la macaamilayno.

1.  Noolaanshiyaha Nolol Ujeedo Le:

 Barashadu waxa ay inna siisaa awood si aan u helno oo u kobcino dareenka ujeedada nolosheena. Marka aynu korodhsanayno aqoonta oo aan baadhno maaddooyin kala duwan, waxa aynu ogaanaa meelo la jaan qaadaya rabitaankeena iyo qiyamkeena. Tani waxay innagu kaxaysaa inaan samayno dadaallo macno leh, oo aan gacan ka geysanno sidii aynu u heli lahayn nolol macno le. Aqoontu waxay inna siisaa aasaaska nolol ujeeddo leh, taas oo innagu hagaysa dariiqa toosan.

   Ugu dambayn, sinaba looma dafiri karo awoodda aqoonta. Barashadu kaliya ma balaadhiso aragtideena, sidoo kale waxay wanaajisaa xirfadaha fikirka muhiimka ah, kor u kaca kalsoonida nafta, waxayna albaabada u furtaa fursado cusub. Waa socdaal cimri dheer oo faa'iidooyin aan la soo koobi karin u keenaya nolosheenna shaqsi iyo midda xirfadeed labadaba. Hadaba aynu u qalab qaadanno sidii aynu u kobcin lahayn aqoonteena, si aynu kor ugu qaadno nolosheena.

  - - ---------------------------------------------------------      

Guuleyso!     

Xuquuqda Qoraalku, waxa ay u dhowrsantahay #Somalijobs INC.      

Lama ogola idan la'aan (Ogolaansho la’aan) in la qaato. Wixii codsi ah fadlan la xidhiidh [email protected]       

Tixgelin.    

--------------------------------------------------    

Lasoo deg APPka Somalijobs (Download Somalijobs APP)    

Android/Samsung: https://play.google.com/store/apps/details?id=com.tiriig.somalijobs    

(IOS/Iphones): https://apps.apple.com/gb/app/somali-jobs/id6443817164