Dhisida Xidhiidhada Muhiimka Ah

Adduunkan maanta isku xidhan, qiimaha dhisidda xidhiidhada ayaa aad uga dheer  xirfadlayaasha. Dhisidda isku xidhnaanta xooggan waxay saameyn weyn ku yeelan kartaa dhinacyada kala duwan ee noloshaada. Isku xidhku maaha kaliya in la is dhaafsado xidhiidho aan sal balaadhanyn; waxay ku saabsan tahay kobcinta cilaaqaad macno leh oo noloshaada ku kobcin kara siyaabo badan. Maqaalkan waxa aynu ku baadhi doonaa qiimaha iyo muhiimadda xidhiidhadu nolosha u leeyihiin.  

Kordhinta Aqoontaada iyo Aragtidaada: 

Mid ka mid ah faa’iidooyinka ugu muhiimsan ee xidhiidhada ayaa ah fursadda aad ku ballaadhin karto aqoontaada oo aad u hesho aragtiyo cusub. Markaad la xidhiidho shakhsiyaadka asal ahaan kala duwan, haystana khibrado kala duwan, waxaad albaabada u furaysaa fikrado badan. La sheekeysiga dadka leh fikrado kala duwan waxay carin kartaa fikradahaaga, waxay balaadhin kartaa aragtidaada, waxayna kicin kartaa kobaca shakhsi ahaaneed. Xidhiidhadu waxa ay qofka siisaa madal wax lagaga barto kuwa kale, la wadaago aqoonta iyo la socoshada isbeddellada soo baxaya iyo hal-abuurka cusub. 

Taageero iyo Dhiirigelin: 

Dhisidda xidhiidho xooggan waxay ku siin kartaa taageero iyo dhiirigelin xidhiidh la le qaybaha nolosha. Xidhiidhadaadu waxa ay u adeegi karaan ahaanshiyahaaga mid dhiirran, sidoo kalena hela hagid nololeed. Haddii aad la kulanto caqabado xirfadeed, dib u dhac shakhsiyeed, ama aad waddo yoolal aan weli kuu hirgelin, lahaanshaha xidhiidho taageero waxay samayn kartaa farqi weyn. Waxay ku siin karaan talo, tusaale iyo toosin. Waxa ay ku siin karaan taageero shucuureed iyo sidoo kale inaad ka gudubtocaqabadaha nolosha. 

Soo Bandhigidda Fursadaha: 

Dhisidda xidhiidho macno le ayaa albaabada u furaya fursado balaadhan oo laga yaabo inaan lagu heli karin si kale. Dadka ku jira xidhiidhadaadu waxay noqon karaan xulafo qiimo leh, lataliyeyaal, ama iskaashato kuwaas oo kugu xidhi kara hawlo cusub, mashaariic, ama fursado shaqo. Waxay ku siin karaan tixraac, kugula talin karaan jagooyin, ama waxay ku bari karaan shakhsiyaadka saamaynta ku leh waxa aad xiisaynayso. Fursaduhu waxay inta badan ku soo baxaan kulanno xasaasi ah ama dadaal ula kac ah si aad uga faa’iidaysato xidhiidhadaada. Markaad kobciso oo balaadhiso xidhiidhadaada, waxaad kordhinaysaa suurtogalnimada inaad hesho fursadaha xiisaha leh ee qaabayn kara jihada shakhsi ahaaneed iyo xirfadeed. 

Kobcinta Cilaaqaadka Macnaha Leh: 

Kasbashadu ma aha oo kaliya balaadhinta tirada xidhiidhada aad leedahay; waxay ku saabsan tahay kobcinta xidhiidho dhab ah oo macno leh. Dhisidda xidhiidho dhab ah oo ku salaysan ixtiraam, is-aaminaad, iyo danaha la wadaago waa aasaaska xidhiidho xooggan. Xidhiidhadani waxay u horseedi karaan saaxiibtimo nololeed, latalin, iyo iskaashi kuwaas oo u keena farxad iyo raynrayn noloshaada. 

 Samaynta Isbedelka: 

Kasbashada ma aha oo kaliya waxa aad ka heli karto dadka kale; Waxay kaloo ku saabsan tahay sida aad wax ugu biirin karto oo aad wax uga beddeli karto noloshooda. Markaad wadaagto aqoontaada, xirfadahaaga, iyo agabkaaga, waxaad noqon kartaa hanti qiimo leh. Bixinta caawimada, bixinta hagitaan, ama isku xidhka shakhsiyaadka ka faa’iidaysan kara khibradda midba midka kale. Marka midba ka kale wax ka faa’iidaysanayo, waxa kor u kacaya niyad samida iyo is-aaminaadda idin dhex taal. 

Helitaanka Khayraadka Kala Duwan: 

Xidhiidhadu waxay ku siinayaan marin u helidda agabyo kala duwan oo ka faa’iidaysan kara qaybaha kala duwan ee noloshaada. Shabakaddaada waxaa ka mid noqon kara shaqsiyaad leh aqoon gaar ah, xirfado, ama agab aad u baahan karto waqtiyo kala duwan. Markaad ka faa’iidaysato khibradaha iyo agabka isku xidhkaaga, waxaad badbaadin kartaa wakhti, dadaal, oo waxa aad si hufan u heli kartaa xallinta caqabadaha. 

Dhisidda Bulsho is Taageerta: 

Markaad dhisto xidhiidho adag, waxaad abuurtaa jaaliyad taageero oo kugu xeeran. Bulshadani waxay bixin kartaa dareenka lahaanshaha, saaxiibtinimada, iyo ka shaqaynta arrimaha badbaadada bulshada.  Dhisidda xidhiidho macno le keliya ma dhisayaan shakhsiyadaada, se waxa ay kobcinayaan kaalmaynta bulshada. 

Aqoon korodhsiga Nolosha oo dhan iyo Kobaca Joogtada ah: 

Dhisidda xidhiidho macno le waa nidaam waxbarasho oo joogto ah. La qabsiga shakhsiyaadka leh xirfado kala duwan, aqoon iyo aragtiyo kala duwan waxay saamaxdaa fursado waxbarasho oo socda. Adiga oo si firfircoon uga qayb qaadanaya dhacdooyinka isku xidhka, ka qaybgalka shirarka ama ka qayb qaadashada bulshooyinka khadka tooska ah (online), waxaad la socon kartaa wararka ku saabsan isbeddelada suuqa shaqada, fikradaha cusub iyo koboca tignoolajiyada. Dhisidda xidhiidho macno le, waxa ay kugu dhiiri-gelinaysaa in aad sii waddo geedigaaga waxbarasho. 

......................................................  

Xuquuqda qoraalku, waxa ay u dhawrsan tahay #SomalijobsINC. Lama ogola idan la’aan (Ogolaanshiyo la’aan) in la qaato. Wixii codsi ah fadlan la xidhiiddh: [email protected]. 

.....................................................  

  - - ---------------------------------------------------------       

Guuleyso!             

Tixgelin.     

--------------------------------------------------     

Lasoo deg APPka Somalijobs (Download Somalijobs APP)     

Android/Samsung: https://play.google.com/store/apps/details?id=com.tiriig.somalijobs     

(IOS/Iphones): https://apps.apple.com/gb/app/somali-jobs/id6443817164