Barashada Farshaxanka Go'aan Qaadashada: Waddadaada Guusha

Barashada Farshaxanka Go'aan Qaadashada: Waddadaada Guusha

Muuqaalka nolosha ee mar walba kor u kaca, laga soo bilaabo xidhiidhadeena gaarka ah ilaa dadaalkeena xirfadeed, go'aamadu waa tiirarka dhismaha ee qaabeeya nolosheena. Go’aanadu waxay innagu hagaan waddada xulashada, waxayn sidoo kalae saameeyaan jihada aynu qaadno iyo natiijooyinka aynu gaadhno. Haddana, fanka samaynta go'aamo wax ku ool ah ayaa badanaa ah mid adag, taas oo innagu dhalin karta jahawareer. Maqaalkan, waxaynu si qoto dheer ugu dhex galaynaa aduunka go'aan qaadasho ee cakiran, innaga oo eegi doona xeelado iyo aragtiyo qaali ah oo aynu ku xoojin doono safarkaaga guusha.

Go'aannadu, ha weynaadaan ama ha yaraadaane, waa halbeegyada lagu cabiro dabeecadeena, adkaysigeenna iyo caqligeenna. Waxay awood u leeyihiin in marka aynu samayno (go’aan qaadano) ay innagu beegaan riyooyinkeenii ama ay inna geliyaan shabakad qoomamo ah. Sahankeennu wuxuu ku bilaabmayaa fikradda aasaasiga ah ee qeexidda dhibaatada. Sida sawir-qaade sawiraya dhul aan la cayimin, oo hadba meel ula boodayaa aaladdii uu wax ku sawirayay, isku dayo badan kedibna ka daali doona hawl qabadkaas. Si taa looga hortago waa in aan marka hore fahamsiinaa cabirka uu sawirayo; si aanay diirad saaristu uga lumin. Mar kasta oo ay sii caddahay aragtideena ku aaddan hawlaha aynu gacanta ku hayno; waxa sii kordha go’aan qaadashadeena.

Marka dhibka la qeexo, waxa aynu galnaa raadinta xogta. Bal qiyaas go'aan-qaadashadaada oo aan ku salaysnayn wax xog raadin ah; waad ambban doontaa. waa in aynu qiyaasno dhaqdhaqaaqyo badan oo hore u socod, innaga oo saadaalinayna cawaaqibka doorasho kasta. Helidda xog aad ku kalsoon tahay waxa ka dhalan karta in aad guurto adiga oo og halka aad degi doonto iyo waxa kaa horeeyaba.

Nagu soo biir safarkan soo jiidashada leh ee loo marayo farshaxanka go'aan-qaadashada, halkaas oo aynu ku daah-furi doono siraha guusha oo aynu ku qalabaynay agabka aad ku dhex mari karto isgoysyada tirada badan ee nolosha. Barashada farshaxanka go'aan qaadashadu maaha xirfad oo kaliya; waa socdaal wax-ka-beddel ah oo qaabayn kara habka nolosheena. Si wada jir ah, waxa aynu u eegi doonaa faham ka mustaqbalka halkaas oo go'aamadaadu aanay ahayn xulashooyin oo keliya balse ay yihiin jaranjarooyinka riyadaada. Ku soo dhawoow aduunka qaadashada go'aamo wax ku ool ah.

Barashada Farshaxanka Go'aan-qaadashada: Waddadaada Guusha

Qeex

Sida sahamiye khibrad leh, waxaan ku bilownaa socdaalkeena innagoo qeexayna waxa aynu rabno. Go'aan gaadhista waxaa xudun u ah: wax ka qabashada dhibaatooyinka iyo caqabadaha. Kartida hadalka iyo fahamka dhibku waa talaabooyinka aasaaska ah. Ku dadaal in aad dhex gashao farsamooyin iyo aragtiyo kaa caawinaya inaad si cad u aragto muuqaalka mushkiladaha, taas oo awood kuu siinaysa inaad samayso doorashooyin xog-ogaal ah. Adiga oo adeegsanaya tusaalooyinka dhabta ah ee adduunka iyo talada khabiirada.

Xog Ururin

Sahamiye kastaa wuxuu u baahan yahay agabka ku habboon socdaalkiisa iyo ogaanshiyaha adduunka go'aan qaadashada, macluumaadku waa hantidaada ugu qiimaha badan. waxaynu u dhexgeli doonaa farshaxanka ururinta macluumaadka, kaas oo kaaga baahan barashada sida loo ururiyo xogta, xaqiiqooyinka iyo fikradaha lagama maarmaanka u ah si loo gaadho go'aamo xikmad leh. Laga soo bilaabo hababka cilmi-baadhista ee waxtarka leh illaa adeegsigooda inta u dhaxaysa ayaa muhiim u ah go’aan qaadashadadada. Xog la helyaa, talo le hel!

Qiimee is beddelka

 Qiimee doorasho kasta faa'iidada iyo khasaaraha ay kuu leedahay. Tixgeli khataraha iyo faa'iidooyinka iman kara. Markaad barato inaad aqoonsato oo aad dhaliso noocyo badan oo xalal ah, waxaad noqon doontaa qof faham buuxa ka haysta go’aanada uu qaadnayo, kobciyana fikrado ubax u noqon kara go'aannada guuleysta.

deji waxyaabaha mudnaanta leh

Go'aami waxyaabaha ugu muhiimsan habka go'aan qaadashada. Ku qiimee iyaga oo ku salaysan qiyamkaaga iyo ujeedooyinkaaga. Mar kasta ka duul baahiyahaaga oo raadi xalal suurto gal ah, kuwaas oo ka jawaabaya baahiyahaaga. Mid ogow: mushkillad adiga ku haysata oo isla qof kale si lamida sidaas oo kale u haysata, ayaa hadana aad ku kala duwan tihiin sida aad u kala wajahaysaan.

Tanaasul

 Aqoonso in fursadaha qaar ay u baahnaan karaan in hal faa'iido loo huro mid kale. Si taxadir leh u miisaam go’aan qaadashadaada. Ku dadaal in aad qiimayso faa'iidooyinka iyo khasaaraha ikhtiyaar kasta, adiga oo tixgelinaya khataraha iyo faa'iidooyinka iman kara.

Raadso fikrado

Kala tasho la-taliyayaal aad ku kalsoon tahay, asxaabta ama ashkaas aad la dhacday aragtiyahooda. Waxay ku siin karaan aragtiyo qiimo leh. Deji shakhsiyaadkaas oo mudnaan kala sii adiga oo ku salaynaya qiyamkaaga iyo ujeedooyinkaaga. Taas oo kuu ogolaanaysa inaad samayso go'aamo la jaan qaadaya himilooyinkaaga mustaqbalka fog.

Tixgeli cawaaqibka mustaqbalka fog

 Ka fikir sida go'aankaagu u saameyn karo mustaqbalkaaga, maaha kaliya natiijooyinka degdega ah. Tix geli in aad u fekerto si furan. Ha degdegin. Go’aan kastaa waxaa ka dhalanaya natiijooyin kuwaas oo noqon kara kuwo kuu adeegaya oo ka dhabaynaya riyooyinkaaga ama hoos u ridaya rejooyinkaaga. Taxadar mar kasta oo aad go’aan qaadanayso.

Ku Kalsoonow dareenkaaga

 Mararka qaarkood, dareenkaagu, wuxuu noqon karaa hage qiimo leh, gaar ahaan haddii aad leedahay khibrad ku habboon. Kuma doodayno in mar kasta dareenadaadu ku hagaan, se waxaa jirta xaalado aynu u baahanahay in aynu adeecno dareenadeena si aan u qaadano go’aano saamayn le.

Waqti qaado

Ha ku degdegin go'aamada muhiimka ah. Naftaada sii wakhtiga lagama maarmaanka ah si aad ugala tashato oo aad u ururiso macluumaad ku khuseeya. Feker oo rogrog arrinka illaa inta aad si buuxda ugu qancayso go’aankaas aad gaadhay. Naftaada waqti sii—maadaama go’aanadaadu xidhiidh ay la leeyihiin mustaqbalkaaga.

Qorshee meel marinta

 Markaad go’aan gaadho, samayso qorshe aad ku dhaqan geliso. La soco horumarka oo hagaaji isbedellada dhici karta. Dejinta hadafyo meel marinaya go’aan-qaadashadaadu waxay fududaynaysaa in aanad si fudud ugu noqon shay aad go’aan ka gaadhay.

Milicso oo baro

 Kadib marka go'aanka aad fuliso, qiimee natiijooyinkiisa. Wax ka baro guulaha iyo guul-darrooyinka labadaba si aad u hagaajisid go'aamada mustaqbalka.

Gebagabo:

Xusuusnow in go'aan-qaadashada wax-ku-oolka ahi ay tahay xirfad ku wanaagsanaata ku-dhaqanka.

Isgoysyada aan la tirin karin ee noloshu waxay u baahan yihiin feejignaan badan, xirfadda samaynta go'aamo wax ku ool ahina, waxay u taagan tahay iftiin hagaya jidkeenna guusha. Maqaalkan oo dhan waxa aanu galnay socdaal aanu ku marayno go’aan-qaadasho, innagoo daah-furnay cakirnaantiisa oo aanu ku hubaynay qalabkii aad ku mari lahayd si kalsooni iyo xikmad leh.

Go'aan-qaadasho wax-ku-ool ahi maaha oo keliya layli garaadka oo qudha la xidhiidha; waxay daliil u tahay dabeecadeena, adkeysigeena iyo hamigeena.

Markaad dib u milicsato fikradaha iyo xeeladaha halkan lagu soo bandhigay, xusuusnow in qaadashada go'aamo wax ku ool ahi ay tahay safar nololeed oo dhan. Waa xirfad horumarisa oo ku xoojisa doorasho kasta oo aad samayso iyo cashar kasta oo aad barato.

--------------------------------------------------------      

Guuleyso      

Xuquuqda Qoraalku waxa ay u dhowrsantahay #Somalijobs INC.      

Lama ogola idan la'aan (Ogolaansho la’aan) in la qaato. Wixii codsi ah fadlan la xidhiidh [email protected]       

Tixgelin.    

--------------------------------------------------    

Lasoo deg APPka Somalijobs (Download Somalijobs APP)    

Android/Samsung: https://play.google.com/store/apps/details?id=com.tiriig.somalijobs    

(IOS/Iphones): https://apps.apple.com/gb/app/somali-jobs/id6443817164