Awooda Qorsheynta: Sida Loo Sameeyo Qorshe-Isbadeleedka Nolosha

Isbeddelku waa qayb nolosha ka mid ah oo lama huraan ah, si aad si guul leh ugu socoto, in la yeesho qorshe si fiican looga fakaray ayaa wax kasta oo kale bedeli kara. Abuuritaanka khariidadda isbeddelka ayaa bixisa caddayn, jihayn iyo dareen ujeedo inta lagu jiro xilliyada kala-guurka. Haddii aad ka fekereyso isbeddel xirfadeed, isbeddel qaab nololeed, ama isbeddel shakhsi ah, ka faa'iidaysiga awoodda qorsheyntu waxay kaa caawin kartaa inaad sameyso isbeddel fudud oo aad gaadho natiijooyinka aad rabto. Maqaalkan, waxaan ku sahamin doonaa tallaabooyinka lagu abuuro khariidad wax ku ool ah oo isbedel.

Qeex aragtidaada:

Ku bilow inaad faham cad ka hesho isbeddelka aad rabto. Naftaada weydii waxa aad dhab ahaantii rabto inaad gaadho oo arag natiijada aad rabto. Qeex yoolalkaaga, hamigaaga iyo qiyamka kugu hagi doona isbedel dhab ah. Markaad sameysato aragti soo jiidasho leh, qeexan, oo ay caddahay sababaheedu waxa aad abuureysaa aasaaska khariidaddaada.

Deji Yoolalka SMART:

Marka aad yeelato aragti, u kala qaybso yoolal gaar ah, la cabbiri karo, la gaadhi karo, oo habboon, sidoo kalena le waqti-xaddidan (SMART). Hadafyada SMART waxay bixiyaan caddayn waxayna kaa caawinayaan inaad la socoto horumarkaaga. Hubi in yoolalkaagu ay yihiin kuwo waaqici ah oo la jaan qaadaya aragtidaada, dejinaya guulo muhiim ah kuwaas oo kuu soo dhawayn doona halka aad u socoto.

Samee Falanqaynta Xaaladda:

Qiimee xaaladaada hadda oo cadee arrimaha saamayn kara safarkaaga. Tixgeli meelaha aad ku wanaagsan tahay, meelaha aad ku liidato, fursadahaaga, iyo khataraha kugu xeeran (SWOT) si aad u horumariso faham dhamaystiran oo ku saabsan caqabadaha iyo agabka aad gacanta ku hayso. Falanqayntani waxay kaa caawin doontaa inaad ka faa'iidaysato meelaha aad ku fiican tahay, wax ka qabato caqabadaha iman kara, oo aad ka faa'iidaysato fursadaha.

Samee Qorshe Hawleed:

U kala qaybi yoolalkaaga tallaabooyin la taaban karo. Samee jadwal, kaas oo qeexaya hawlaha gaarka ah ee aad u baahan tahay inaad qabato iyo siday u kala horreeyaan. U qoondee hawl kasta waqtiyada kama dambaysta ah, adoo hubinaya inay yihiin kuwo waaqici ah oo la gaadhi karo. Qorshe-hawleedkan waxa uu u adeegi doonaa sidii aad u dhamaystiri lahayd khariidaddaada, isaga oo kugu hagaya habka isbeddelka hanuunsan.

Raadi Aqoon iyo Taageero:

Kaydso, oo uruuri macluumaadka oo hel aqoonta lagama maarmaanka ah iyo xirfadaha si aad u taageerto safarkaaga. Samee cilmi-baadhis, ka qayb-gal aqoon-is-weydaarsiyo, raadso la-talin, ama is-diiwaangeli koorsooyin kor u qaadaya fahamkaaga iyo kartidaada. Intaa waxaa dheer, naftaada ku xeer saaxiibo, qoys ama shakhsiyaad isku fikrad ah oo ku siin kara hagitaan, dhiirigelin, iyo la xisaabtan. "Waxaad tahay celceliska shanta qof ee aad waqtiga ugu badan la qaadato." - Jim Rohn.

Akhri maqaalkan hoose si aad si faahfaahsan ugu fahamto qodobkan: https://www.somalijobs.com/blogs/somalijobs-inc/6942013903873240/kobcinta-xirfadaha

Awoodda la qabsiga

Iyadoo qorshayntu ay muhiim tahay, waxaa muhiim ah inaad ahaato mid dabacsan oo la qabsan kara, isbedellada nolosha. Ogow in ay iman karaan duruufo lama filaan ah, una baahan doona in wax laga beddelo khariidaddaada. U fiirso isbeddelka qayb ka mid ah safarka oo u fur inaad wax ka beddesho qorshahaaga marka loo baahdo. Dabacsanaantu waxay kaa caawin doontaa inaad u gudubto caqabadaha oo aad ka faa'iidaysato fursadaha cusub; kuwaas oo iman kara inta lagu jiro jidka.

Si joogto ah u qiimee oo hagaaji:

Si joogto ah u qiimee horumarkaaga, adiga oo dib u eegaya heerarkii aad dejisay. Qiimee waxa si fiican u shaqaynaya iyo waxa hagaajin u baahan. U hagaaji qorshahaaga si waafaqsan khariidaddaada, samaynta dib u eegis lama huraan ah si aad jidka ugu sii socoto, waxay albaabada u furaysaa wax badan oo aanad dhaaddanayn. U dabbaaldeg guulahaaga oo wax ka baro dib u dhac kasta, adigoo u isticmaalaya in ay yihiin fursado koritaan.

Aqoonso Caqabadaha suurtagalka ah:

Markaad abuurto khariidaddaada waddo, oddorosto caqabadaha iman kara inta lagu jiro safarkaaga, waxa aad tahay qof sita sahaydiisii. Tan waxaa ka mid noqon kara caqabado dhaqaale, waqti ama arrimo dibadeed oo ka baxsan xakamayntaada. Markaad aqoonsato caqabadahan, waxaad samayn kartaa qorshayaal degdeg ah ama waxaad raadsan kartaa taageero si aad uga gudubto.

Raadso Khayraadka:

 Tixgeli agabyada aad u baahan doonto si aad u taageerto safarkaaga. Tan waxaa ku jiri kara ilaha dhaqaale, ballan-qaadyada waqtiga iyo helitaanka macluumaadka ama qalabka. U qoondee kheyraadkan si habboon, adoo hubinaya inaad haysato waxaad u baahan tahay si aad si hufan ugu dhaqaaqdo.

Kobci Taageerahaaga:

Ku hareeree naftaada shakhsiyaad taageeraya oo dhiirigeliya yoolalkaaga. Raadso la-taliyeyaal, si ay tooshka kuugu ifiyaan meelaha mugdigu jiro; si aad ugu gaadhid hammigaaga habka ugu habboon. Lahaanshaha deegaan taageero waxay ku siin kartaa dhiirigelin, hagitaan iyo aragtiyo qiimo leh markaad u socoto isbeddelka.

Akhri maqaalkan hoose si aad si faahfaahsan ugu fahamto qodobkan: https://www.somalijobs.com/blogs/somalijobs-inc/15763817916779134/dhisida-xidhiidhada-muhiimka-ah

Hel Waxbarasho Joogto ah:

 U heellanow waxbarasho joogto ah nolosha oo dhan. U furnow inaad hesho xirfado cusub, aqoon iyo aragtiyo taageeraya safarkaaga. Raadso fursado aad ku balaadhiso khibradaada, ha ahaato waxbarasho rasmi ah, aqoon iswaydaarsi, koorsooyin online ah ama hagitaano. Barashada joogtada ahi waxay wanaajisaa la qabsigaaga waxayna naftaada ku qalabaynaysaa agabka loo baahan yahay si aad ugu horumariso naftaada isbedellada nolosha.

Akhri maqaalkan hoose si aad si faahfaahsan ugu fahamto qodobkan: https://www.somalijobs.com/blogs/somalijobs-inc/13280596212136738/awoodda-aqoonta:-sidee-ayay-waxbarashadu-nolosheenna-u-kobcisaa?

Ugu dambayn, abuuritaanka khariidad isbedeleed waxa ay awood kuu siinaysaa in aad si firfircoon u qaabayso jihada noloshaada. Markaad dhanqan geliso qodobada aynu kor ku soo xusnay, waxa kuu fududaanaya in aad si dhaba u fahamto waxa aad rabto; sidoo kalena waxaad si kalsooni leh ugu dhex socon kartaa marxaladaha kala-guurka oo aad gaadhi kartaa natiijooyinka aad rabto. Qabso awoodda qorsheynta, oo ha kugu hago safarkaaga isbeddelka leh ee ku wajahan mustaqbal ifaya.

  - - ---------------------------------------------------------      

Guuleyso!     

Xuquuqda Qoraalku, waxa ay u dhowrsantahay #Somalijobs INC.      

Lama ogola idan la'aan (Ogolaansho la’aan) in la qaato. Wixii codsi ah fadlan la xidhiidh [email protected]       

Tixgelin.    

--------------------------------------------------    

Lasoo deg APPka Somalijobs (Download Somalijobs APP)    

Android/Samsung: https://play.google.com/store/apps/details?id=com.tiriig.somalijobs    

(IOS/Iphones): https://apps.apple.com/gb/app/somali-jobs/id6443817164