10 Hab Oo Aad Uga Faa’idaysan Karto Xidhiidhada Dadka

Xidhiidhka dadka iyo awoodda samaynta shabakado bulsheed ayaa ah hanti muhiim u ah horumarka shakhsiga iyo xirfadda qofka. Marka ay noqoto horumarinta xirfaddahaaga ama gaadhista yoolalkaaga shaqo, xidhiidhka wanaagsan ee dadka waa mid kaa caawin kara in aad hesho taageero, talo, iyo fursado kala duwan. Maqaalkan waxaan kaga hadli doonaa toban hab oo aad uga faa’idaysan karto xidhiidhada dadka si wax ku ool ah, waxaana ku jira talooyin waxtar leh oo laguu sahli doono inaad ku kasbato guulo waaweyn oo shakhsi iyo kuwo shaqo.

1. U Samee shabakadaada bulsho istaraatiijiyad cad

“Xidhiidhku waa furaha guushaada; u isticmaal si maskax leh.”

Bilowga, qorshee cidda aad doonayso inaad la xidhiidhto iyo sababta. U diyaari xidhiidhkaaga shabakad leh gool cad, tusaale ahaan inaad la xidhiidhto khuburo kaaga waayo-aragsan shaqadaada si aad u kasbato dad leh aqoonta aad danaynayso. Marka aad yeelato istaraatiijiyad cad, way kuu fududaanaysaa inaad la kulanto dad ku habboon oo taageeri kara horumarkaaga.

2. Xusuusnow inaad dhegeysato marka aad la hadlayso dadka

“Dadka ugu wanaagsani waa kuwa si dhab ah u dhegeysta.”

Dadka intooda badan waxay jecel yihiin in la maqlo; sidaas darteed, in aad si wanaagsan u dhegeysato waxay kaa dhigaysaa qof, qofka kale u muujiya mid xiiseynaya xirfad iyo khibrad ka korodhsi wanaagsan. Tani waxay kordhinaysaa kalsoonida dadka ay kugu qabaan. Inta aad ku mashquulsan tahay inaad dadka la hadasho, isku day inaad si fiican u fahanto oo aad dhagaysato aragtidooda iyo fikraddaha ay wataan.

3. La wadaag dadka fikrado iyo talooyin waxtar leh

“Marka aad la wadaagto aqoontaada, waxaad kordhisaa fursadahaaga.”

Markaad la xidhiidho dad badan, fursad wanaagsan ayaad u heli kartaa inaad la wadaagto aqoontaada ama fikrado waxtar leh. Waxaa laga yaabaa inaad ka caawiso qof kale xalinta dhibaato, taasoo adiga kugu soo celineysa inaad noqoto qof muhiim u ah shabakadda. Dadka waxay had iyo jeer jecel yihiin inay la xidhiidhaan qofka talooyin waxtar leh ku kordhin kara.

4. Ka qaybgal kulamada iyo shirarka

“Fursado cusub ayaa ku sugaya qofka soo baxa.”

Ka qayb galka shirarka iyo kulamada waa fursad wanaagsan oo aad ku ballaadhin karto shabakadaada bulsheed. Ka qayb galka dhacdooyinka waxay kuu sahlaysaa inaad la kulanto dad kala duwan oo cusub, iyadoo sidoo kale fursad kuu tahay inaad si dhab ah u muujiso aqoontaada iyo waxyaabaha aad xiisaynayso.

5. Noqo qof furfuran oo la kasban karo

“Joogtadaada iyo kalsoonida aad ku abuurtay ayaa qiimo weyn leh.”

Marka aad xidhiidh cusub bilowdo, ha noqon qof ay adag tahay in lala xidhiidho ama la kasbado. Joogto iyo kalsooni ay ku qabaan waa waxa sii adkeeya xidhiidhka. U dir fariimo ama wac qofka si joogto ah, si aad u muujiso inaad xiiso dhab ah u leedahay xidhiidhka aad la leedahay.

6. Codso talada dadka khibradda leh

“Hadalka hal qof oo khabiir ahi wuxuu kaa badbaadin karaa sannado badan oo khalad iyo kacaakuf ah.”

Inaad qof talo weydiiso waxay muujineysaa inaad u xiiso qabto fikraddahooda. Waxay kaloo ku siin kartaa fursad aad wax badan kaga barato khibraddaha dadkan. Tani waxay dhistaa kalsooni weyn oo dhex marta adiga iyo qofkaasi, iyadoo sidoo kale kuu soo jiideysa taageero dheeri ah oo aad ka hesho dadka xirfadda ku xeel dheer.

7. Qaddari waxyaabaha gaarka ah ee dadka ku saabsan

“Xasuusnow in qof walba leeyahay qiime iyo tayo gaar ah.”

Dadka intooda badan waxay ku faraxsan yihiin marka la tixgeliyo waxyaabaha khaaska ah ee ay sameeyaan. Ka taxaddar inaad xusuusnaato waxyaabo yar sida guulaha ay gaadhaan. Tani waxay muujinaysaa inaad tahay qof daryeel leh, waana hab wanaagsan oo aad dadka kalsooni uga kasban karto.

8. Sharaf dadka kale

“Dhaqanka wanaagsani waa hadiyad la wadaaga farxadda guusha.”

Haddii aad leedahay qalab ama agab ku caawin kara dadka kale, si kal iyo laab ah ula wadaag. Waxay ku siinaysaa fursad aad ku kobciso xidhiidhka, iyadoo dadka qaar ay ka heleen agabkaaga, si walba iyaguna waxay u noqon doonaan kuwo si kalsooni leh kuu taageera mar walba. U fidi casuumad quraac, qado ama casho dadka qiimaha leh. U hadiyadee buugaag iyo barnaamijyo kale oo ay xiiseeyaan waxay sii xoojin doontaa xidhiidhkiina marwalba. Nebigu SCW wuxuu yidhi: Isku hadiyadeeya aad is jeclaataane.

9. Xidhiidhkaaga ka dhig mid furan oo soo jiidasho leh

“Waji furnaanta iyo soo jiidashada waxay kor u qaadaan xidhiidhka wanaagsan.”

U fiirso dadka kala duwan ee aad xidhiidhka la leedahay, kana dhig xidhiidh furan oo soo jiidasho leh. Markaad dadka la falgasho, muuji dhoollacaddeyn, u naxariiso,  caawi wixii karaankaaga ah. Dadka intooda badan waxay jecel yihiin inay la xidhiidhaan qofka had iyo jeer furan oo xushmad leh.

10. Ka fikir taariikhda danbe ee xidhiidhka

“Xidhiidhka wanaagsan waa kan muddo dheer socon kara.”

Marka aad xidhiidh bilowdo, ha noqon mid ku eg waqti kooban (xidhiidh dan kooban leh). Xidhiidhka wanaagsan waa kan muddo dheer socon kara, iyadoo labada dhinac ay isku fahmi karaan, isku kalsoonaan karaan, oo waliba ay isu noqon karaan kuwa fursado wadaagga.

Ha iloobin inaad mar walba barato waxyaabo cusub oo aad dadka la wadaagi karto. U muuji dadka in waxqabadkooda iyo horumarkoodu muhiim yahay. Ka fikir haddii ay jiraan fursado aad kula wadaagi karto dadkan kulamo ama dhacdooyin. Ku dadaal inaad sameysato saaxiibo leh tayada aad doonayso inay naftaadu dhaxasho.

Xidhiidhka wanaagsan waa furaha horumarka shakhsiga iyo shaqada. Haddii aad rabto inaad guulaysato, xidhiidhkaaga dadka si weyn u qiimee. Xidhiidhka dadka ee wanaagsan waa hanti qiimo leh.

Marka la soo koobo, xidhiidhka wanaagsan ee dadku wuxuu qof kasta oo shaqaale ama ganacsade ah ka caawin karaa inuu ku guulaysto hawlo badan, iyadoo aan ku jirin taageerada, talooyinka, iyo fursaddaha cusub ee qofkaasi heli karo. Waxaa muhiim ah inaad si joogto ah uga faa’iidaysato xidhiidhadaada, adigoo siinaya wakhti, tamar, iyo fikirkaaga, si aad ugu guulaysato horumar xagga shaqada iyo noloshaba.

Guuleyso!    

Xuquuqda Qoraalku, waxa ay u dhowrsantahay #Somalijobs INC.     

Lama ogola idan la'aan (Ogolaansho la’aan) in la qaato. Wixii codsi ah fadlan la xidhiidh [email protected]      

Tixgelin.

--------------------------------------------------    

Lasoo deg APPka Somalijobs (Download Somalijobs APP)    

Android/Samsung: https://play.google.com/store/apps/details?id=com.tiriig.somalijobs    

(IOS/Iphones): https://apps.apple.com/gb/app/somali-jobs/id6443817164