Ninka Ugu Maskaxda Badnaa Qarniga! (sheekooy Saameyn Leh)

Maalin maalmaha ka mid ah, wiil yar ayaa ka soo laabtay dugsigiisii isaga oo hooyadii gacanta u gelinaya warqad uu macallinkiisu u soo dhiibay. Isaga oo aan garanayn waxa ku qoran, ayuu hooyadii weydiiyay si ay u akhrido. Hooyadii, oo ahayd haweeney aqoon leh oo xigmad dheer leh, ayaa si deggan waraaqdii u furtay. Laakiin indhaheedii ayaa ilmadu ka soo qubatay markii ay akhriday qoraalkii xumaa ee warqadda ku qornaa.

Markii uu wiilkii yaraa weydiiyay waxa ku qoran, hooyadii waxay ku tidhi:

"Ilmahaagu wuu maskax badanyahay, dugsigana uma qalmo qof sidan u maskax badan inuu dhigto. Inagu malihin dugsiyo daboolikara waxbarashadiisa, sidaa darteed waxaan kaa rajeynaynaa inaad guriga wax ugu dhigto."

Qoraalkan naxdinta lahaa, hooyadii wuxuu u beddeshay dhiirigelin, jacayl iyo rumayn. Waxay go’aansatay in ay wiilkeeda guriga wax ugu dhigto, iyada oo u aragtay in ilmaheedu leeyahay ifafaalo gaar ah oo u baahan daryeel khaas ah.

Isaga oo aad u yar ayuu Edison bilaabay inuu ku shaqeeyo iibinta jaraa’idada tareenada si uu u caawiyo hooyadii. Habeenkii hooyadii ayaa wax baran jirtay, maalintiina isagu wuu shaqayn jiray. Isagoo ka duulaya kalsoonidii hooyadii siisay, wuxuu isu arkay mid gaadhi kara wax walba. Dedaalkii iyo dhiirigelintii hooyadii waxay sababtay in uu noqdo mid ka mid ah hal-abuurayaashii ugu weynaa taariikhda aadanaha.

Sanaddo badan kadib markii uu Edison caan noqday, wuxuu furay qasnaddii qadiimiga ahayd ee hooyadii. Waxa uu ka dhex helay warqaddii dugsigu u soo dhiibay ee hooyadii u akhriday - laakiin markii uu hadda isagu akhriyey, waxa ku qornaa:

“Wiilkaagu wuu fahan xunyahay, mana awoodo in uu wax ka barto dugsigan. Sidaa darteed uma ogolaanayno inuu sii joogo.”

Ereyadaasi way gilgileen qalbigiisa. Wuxuu xasuus qorkiisa ku qoray:

“Waxa aan ahaa wiil fahan xun leh, balse hooyaday ayaa iga dhigtay ninkii ugu maskaxda badnaa qarniga.”

Thomas Edison waa hal-abuurkii dhabta ahaa ee samaystay laydhka, phonograph-ka, iyo kumanaan kale oo hal-abuurnimo ah oo dunida wax weyn ka beddelay. Inkastoo maskaxdiisa hal-abuur leh ay lahayd awood weyn, haddana sababta uu guushaas ku gaadhay waxay ahayd hooyo rumaysnayd wiilkeeda, waxna u baraysay isaga oo aan lahayn dugsi rasmi ah.

Casharrada sheekadan aynu kala baxayno:

1. Kaalinta Hooyo waxbaratay
   Hooyadii Thomas Edison, Nancy Edison, waxay ahayd macalimad hore u shaqayn jirtay. Waxbarashadeedii waxay u suurto gelisay inay garato baahiyaha wiilkeeda, una beddesho culeyskii lagu hayey fursad uu ku koro. Waxay ahayd halgamaa ilmeheedu ku koray kalsooni, aqoon iyo hal-abuurnimo.
2. Haweeneyda aqoonta leh ayaa kala garata halista iyo hibada carruurta
   Dugsigii wuxuu u arkay Edison “fahan xun”, halka hooyadii aqoonta leh ay ku aragtay “maskax kakan” oo aan si fudud loogu dari karin nidaam waxbarasho caadi ah. Waxay hooyadu ku guuleysatay in ay aragto wax aan aragtida dugsigu arki karin.
3. Dhiirigelinta waalidka waa furaha guusha carruurta
   Inta badan guulaha carruurta gaadhaan waxay ka soo bilaabataa kalsoonida iyo taageerada ay ka helaan waalidkooda, gaar ahaan hooyadood. Thomas Edison wuxuu yidhi:
4. Hooyo kasta waa macallimaddii ugu horreysay
   Qisadani waxay ina baraysaa in waxbarashada carruurtu aysan ku koobnayn dugsiyada. Hooyooyinka aqoonta leh waxay u yihiin carruurtooda madarasado ay ka helaan hanuun, daryeel, iyo barbaarin maskaxeed.

“Hooyaday waxay ahayd sababta aan ku gaadhay guusha; waxay i siisay kalsooni buuxda.”

Maanta, iftiinka aan ka faa’idaysanayno wuxuu asal ahaan ka yimid gacanta hal-abuurka Thomas Edison, balse haddii hooyadii aanay jirin – noloshiisa waxay noqon lahayd mid kale. Sidaa darteed, haddii aan dooneyno bulsho iftiin leh, waa inaan maalgalin ku samaynaa waxbarashada haweenka, si ay u noqdaan hooyooyin awood u leh korinta jiil horumar leh.

Hooyo wax baratay waa ta dhistaa jiil furan, firfircoon, hal-abuur leh – mid jiilal badan iftiimin kara, sida Thomas Edison. Haddaba, haweenkeenna ha lagu dhiirrigeliyo waxbarashada; haddii hal hooyo wax baran karto, way dhisi kartaa mustaqbal ifaya oo ay qaran dhan ku naaloon karo.

Guuleyso!  

Xuquuqda Qoraalku, waxa ay u dhowrsantahay #Somalijobs INC.     

Lama ogola idan la'aan (Ogolaansho la’aan) in la qaato. Wixii codsi ah fadlan la xidhiidh [email protected]      

Tixgelin.

--------------------------------------------------    

Lasoo deg APPka Somalijobs (Download Somalijobs APP)

Android/Samsung: https://play.google.com/store/apps/details?id=com.tiriig.somalijobs    

(IOS/Iphones): https://apps.apple.com/gb/app/somali-jobs/id6443817164