WARGILIN: barnaamij Hal-abuur bulsho

Hay’adaha UNICEF iyo Qatar Charity oo Iskaashanaya Ayaa Qabanaya Mashruuca UPSHIFT: Wajigiisa Saddexaad
UPSHIFT waa barnaamij hal-abuur bulsho oo loogu talagalay in lagu taageero dhalinyarada shaqo la’aanta ah iyo kuwa danyarta ah ee leh xirfado kala duwan. Ujeedada barnaamijkan waa in
dhalinyarada loo tababaro loona maalgaliyo fikradahooda ganacsi, si ay uga hortagaan caqabadaha noloshooda iyo kuwa bulshada, isla markaana u gaaraan isbeddel muuqda oo dhanka nolosha ah.
Barnaamijka UPSHIFT wuxuu awood siiya dhalinyarada Soomaaliyeed, isaga oo ka caawinaya xirfadaha iyo agabka ay u baahan yihiin si ay u aqoonsadaan dhibaatooyinka ay la kulmaan, iyo
sidoo kale kuwa bulshada haysta, una abuuraan xalal wax ku ool ah.
Sidaas darteed, waxaan ku wargelinaynaa dhammaan dhalinyarada Soomaaliyeed ee leh xirfadaha dhanka ganacsiga iyo hal-abuurka in hay’adaha UNICEF iyo Qatar Charity, oo iskaashanaya, ay qabanayaan barnaamijka UPSHIFT: Wajigiisa Saddexaad.
Barnaamijkan wuxuu dhalinyarada ka caawin doonaa sidii ay u heli lahaayeen maalgelin yar-yar (Micro Financing) si ay u horumariyaan hal-abuurkooda ganacsi una gaaraan himilooyinkooda.
Waxaa lagu dhiirrigelinayaa dhalinyarada inay ka faa’iidaystaan fursaddan qiimaha leh si ay u hormariyaan naftooda iyo bulshadooda.
Hadaba iska diwaan gali Linkagan hoose.
https://forms.gle/NX97ws3hXJyaq5aZ8